"Милан" бош мураббийи Пауло Фонсека "Ювентус"нинг Фикайо Томорига қизиқиши ҳақидаги маълумотга изоҳ берди.
Туринликлар қишки трансфер ойнасида ҳимоя марказини кучайтириш ниятида ва “россонерилар”нинг асосий таркибида доимий ўринга эга бўлмаган 27 ёшли инглиз “кекса синёра”нинг асосий мақсадларидан бири саналади.
"Томорини "Ювентус"га сотиш хато бўлади. Фикайо ҳақиқий профессионал, ўйнамаса ҳам унинг клубга бўлган муносабати ўзгармайди.
У тез-тез майдонда бўладими ёки йўқлигини айта олмайман, лекин мен учун у жуда муҳим", - деди Фонсека А Сериянинг якшанба куни «Рома»га қарши ўйинидан олдин.
