Алессандро Костакурта Тарибо Уэстнинг у ва Паоло Мальдини ҳақида айтган сўзларига жавоб берди.
"Милан"нинг собиқ ҳимоячиси ва ҳозирда диний руҳоний ҳисобланган Тарибо Уэст бир неча йил олдин берган интервьюсида шундай деганди:
"Мен Паоло Мальдини ва Алессандро Костакуртадан кучлироқ эдим, аммо мураббий [Алберто Заккерони] доим бу иккисига таянган.
Нега деб ҳайронман. Мальдинининг жароҳати туфайли асосий таркибга туширилганимда, мен яхши ўйнадим ва ҳатто мақтовга сазовор бўлдим, лекин кимдир норози бўлиб, якунда мени захира ўриндиғига қайтаришди".
Сўнгги кунларда ушбу интервью интернетда тарқалди ва Костакурта ижтимоий тармоқларда "Милан"даги собиқ жамоадошига жавоб беришга қарор қилди.
"Ҳурматли Тарибо, эҳтимол Костакуртадан кучлироқдирсиз, лекин Мальдини ҳақида бир ўйлаб кўринг" деб ёзган Костакурта.
