"Ливерпуль" ҳужумчиси Муҳаммад Салоҳ ўзига хос мавсумни ўтказмоқда.
Мисрлик футболчи рақиблари дарвозасига 17 та гол урди ва жамоадошларига 13 марта ассистентлик қилди - жорий Премьер-лигада 18 учрашувда 30 та самарали ҳаракат.
Sky Sports хабарига кўра, замонавий тарихда футболчилар кучли бешлик чемпионатларининг дастлабки 18та ўйинидан сўнг бундай натижага эриша олган икки футболчи бор - гап Криштиану Роналду ва Лионель Месси ҳақида кетмоқда.
Ўшанда "Реал"да ўйнаган португалиялик футболчи 2014/15 йилги мавсумда "гол плюс ассист" (28+9) тизимида 37 очко қайд этиб, рекорд ўрнатган эди.
Иккинчи натижа 2010/11 йилги мавсум Ла Лигада (21+14) Месси томонидан худди шунча ўйинда қайд этилган.
