"Барселона" бош мураббийи Ханс-Дитер Флик клуб раҳбарларига илтимос билан мурожаат қилди. Немис мутахассиси жамоага профессионал ошпаз топишни сўради.

Spanish Sport хабарига кўра, бир неча ҳафта олдин "блауграна" спорт директори Деку ва клуб диетологи иштирокида номзодлар билан музокараларни бошлаган.

Қайд этилишича, Флик ҳужумчи Роберт Левандовскининг шикоятини олгач, янги ошпаз топишга қарор қилган. Саёҳатларидан бирида поляк баъзи таомлар, масалан, тухумлар тайёрланишидан шикоят қилди. Мураббий Левандовскининг фикрига эътибор қаратди.