Эрон терма жамоаси Қатарга қарши ЖЧ саралаш ўйинига тайёргарликни бошлаб юборди. Терма жамоа бугун дастлабки ўқув-машғулот йиғинларини ўтказиш учун Дубайга етиб келган.
БААдаги йиғин таҳминан бир ҳафта давом этиши кўзда тутилган бўлиб, унга 25 нафар футболчи жалб этилган. Ушбу кенгайтирилган таркиб аввалроқ эълон қилинган бўлиб, айни пайтда 22 нафар футболчи терма жамоа билан бирга. Қолган уч футболчи - Эроннинг Белгия, Россия ва Испанияда ўйновчи легионерлари яқин орада Карлос Кейруш ихтиёрида бўлиши кутилмоқда.
Эслатиб ўтамиз, эртага Карлуш Кейруш шогирдлари Ироқ терма жамоасига қарши ўртоқлик учрашувида майдонга тушади. ЖЧ саралашининг ҳал қилувчи ўйинларига жиддий тайёргарлик кўриш мақсадида ўртоқлик учрашувларига зўр бераётган эронликлар бундан бир неча кун олдин Уммон терма жамоасидан 1:3 ҳисобида мағлуб бўлишганди.
