"Барселона" ярим ҳимоячиси Дани Ольмо билан бирга ишлаётган агент Энди Бара футболчининг клубини ўзгартириш режалари бор-йўқлиги ҳақидаги саволга жавоб берди.
Хабарингиз бор, каталонияликлар Ольмони 2024/2025 йилги мавсумнинг иккинчи қисми учун рўйхатдан ўтказа олишмади.
"Барселона" бизнинг биринчи ва охирги вариантимиз. Дани, унинг отаси, оиласи, мен... бошқа вариантлар ҳақида ўйламаймиз.
Биз ҳеч қайси клуб билан музокара олиб бораётганимиз йўқ. Дани - "Барселона" футболчиси ва у шундай қолишни истайди", - дея агентнинг сўзларини келтиради El Periodico.
