"Ан-Наср"нинг португалиялик ҳужумчиси Криштиану Роналду келажаги ҳақидаги саволга жавоб берди.
"Мен клуб учун Осиё Чемпионлар Лигасида ғалаба қозонишни истайман, лекин энг муҳими курашни давом эттириш ва профессионал бўлиб қолиш. Мен курашни давом эттираман ва "Ан-Наср"га чемпионлик учун ёрдам бераман. Бу йил "Ан-Наср" учун яхши йил бўлишига ишонаман", - дея Роналдунинг сўзларини келтиради журналист Бен Жейкобс.
Эслатиб ўтамиз, 39 ёшли ҳужумчи 2023 йил бошида "Ан-Наср" футболчисига айланганди. Жорий мавсумда у барча турнирларда 19 та ўйинда майдонга тушиб, 16 та гол урди ва 3 та голли узатмани амалга оширди.
