"Челси" бош мураббийи Энцо Мареска сўнгги муваффақиятсиз натижалар жамоанинг кайфиятига таъсир қилдими, деган саволга жавоб берди.
"Йўқ. Биз ютқазишни ёки очкони йўқотишни ёқтирмаймиз, лекин бу бизнинг сафаримизга таъсир қилмайди, чунки биз мавсум давомида мағлубиятлар бўлишини биламиз. Биз мавсумнинг биринчи қисмини якунлаяпмиз ва энди иккинчи қисмини бошлаяпмиз, ғалаба ва мағлубиятлар бўлади деб ўйлаймиз, лекин яхшиланиш муҳим.
Сафаримиз беш-олти йил олдин эмас, балки беш-олти ой олдин бошланган. Бошқа жамоалар йўлни беш ёки олти йил олдин бошлаган ва энди улар Премьер-лигада ғалаба қозониш учун курашмоқда. Биз эса йўлни фақат беш ёки олти ой олдин бошладик," - деди Мареска матбуот анжуманида.
