"Челси" мураббийи Энцо Мареска жамоа таркиби Премьер-лига чемпионлиги учун кураш олиб бориш учун етарли даражада яхшими, деган саволга жавоб қайтарди.
"Сизда фақат яхши футболчиларнинг борлиги етарли бўлмайди. Чемпионлик кураши учун яхши бўлишнинг ўзи етарли эмас - бошқа нарсалар ҳам керак. Биз жипслик ва қийин дамларда жамоага айланиш каби жиҳатларни қўшишимиз керак. Биз билан "Манчестер Сити," "Арсенал" ва "Ливерпуль" ўртасидаги фарқ шунда. Улар жамоа сифатида кўпроқ тайёр. Умид қиламанки, тез орада биз ҳам бу рўйхатда бўламиз," - деди Мареска матбуот анжуманида.
