"Манчестер Юнайтед" бош мураббийи Рубен Аморим жамоаси ҳимоячи Гарри Магуайр билан шартномани узайтирганини маълум қилди.

Магуайрнинг шартномаси шу мавсум охирида тугаши керак эди, аммо "МЮ"да 12 ойга узайтириш имконияти бор эди, клуб бундан фойдаланди.

31 ёшли англиялик футболчи шу боис “Манчестер Юнайтед”да қолиш муддатини 2026 йилнинг ёзига қадар узайтирди.

"Гарри Магуайр билан биз ўз вариантимиздан фойдаланамиз. Бугун эрталаб мен у билан гаплашдим ва унга майдонда яхшиланиши кераклигини айтдим. Бизга у жуда керак.

У етакчи сифатида ҳам яхшиланиши керак. Биз ҳаммамиз унинг бу ерда қандай бўлганини биламиз, аммо ҳозир у бизга керак, шунинг учун биз ўз вариантимиздан фойдаланамиз ва буни хурсандчилик билан қиламиз", - деди Аморим "Манчестер Юнайтед"нинг расмий сайтига.