"Челси" бош мураббийи Энцо Мареска Англия Премьер-лигасининг 20-туридан ўрин олган "Кристал Пэлас"га қарши ўйин олдидан жамоадаги жароҳат олган футболчилар билан боғлиқ вазият ҳақида гапирди. Учрашув 4 январь куни бўлиб ўтади.

“Рис Жеймс қайтди ва у охирги ўйинда биз билан бирга эди. У "Ипсвич"га қарши сўнгги ўйинда биз билан эди, шунчаки жамоада бўлиш учун. Унга дақиқалар бериш режамизда йўқ эди, лекин эртага ҳаммаси бошқача бўлади, биз унга бироз вақт беришимиз мумкин. Биз ҳаммамиз Рис биз учун қанчалик муҳимлигини биламиз, шунинг учун у тез орада ишлаш имкониятига эга бўлади деб умид қиламиз.

Ромео Лавиа бизга жуда яқин ва у ишлай бошлади. Ҳаммамиз Ромеони юқори тоифадаги футболчи деб ҳисоблаймиз, лекин бундай футболчи учун энг муҳими яхши формада бўлишдир. Ҳеч шубҳа йўқки, Ромео яхши ҳолатда бўлса, у юқори даражадаги ўйинчига айланади, биз унга жароҳатлардан қочишга қандай ёрдам беришимизни аниқлашимиз керак.

Кирнан Дьюзбери-Холл ҳали таркибда йўқ. Афсуски, Уэсли Фофана жуда узоқ вақт, Бенуа Бадьяшиль эса ҳеч бўлмаганда февралгача майдонга тушмайди. Уэслига келсак, у қанча вақт майдонга тушишини аниқ билмаймиз, аммо унинг сонида жароҳат бор ва афсуски, у бир муддат ўтказиб юборади. Мен Уэслини ёқтиришимни кўп марта айтганман ва, албатта, унинг йўқлиги биз учун катта йўқотишдир", - деди Мареска "Челси" расмий сайтига.