Мадриднинг "Реал" клуби мағлубиятсиз сериясини 6 та ўйинга етказди.

Карло Анчелотти шогирдлари Ла Лиганинг 12-туридан ўрин олган ўйинда "Валенсия"ни мағлуб этди (2:1). Мадридликлар ўйиннинг 85-дақиқасигача 0:1 ҳисобида ортда қолишаётганди.

Барча мусобақалардаги сўнгги 6 учрашувда "Реал" 5 марта ғалаба қозонган ва "Райо Вальекано" билан дуранг ўйнаган (3:3).

Мадридликлар сўнгги мағлубиятни 4 декабрь куни "Атлетик"га қарши ўйинда қабул қилиб олишганди (1:2).

Навбатда "Реал" Испания кубогида "Депортива Минера" билан ўйнайди. Ўйин 9 январь куни бўлиб ўтади.