"Манчестер Сити" раҳбари Хосеп Гвардиола жамоанинг инқирозида кимни айбдор деб ҳисоблаётганини айтди.

Испаниялик ўз-ўзини танқид қилиб, "шаҳарликлар"нинг жорий мавсумдаги қийинчиликлари ҳақида гапирди.

"Мен ўзим билан жуда самимийман ва тан оламанки, асосий сабаб ўзимман. Гап ўйинчиларда эмас. Улар бироз пасаяди, лекин бу ўтган мавсумда ҳам кузатилган табиий жараён. Мен ечим топишим, бошқача ҳаракат қилишим керак эди, лекин бундай қилмадим. Мана нима учун биз бу аҳволга тушиб қолдик - ўзим айбдорман. Мен бу гапларни яхши бўлиб кўриниш учун айтаётганим йўқ. Мен фақат ҳақиқатни айтяпман. Мен ўйинчиларни бошқараман ва улар билан хоҳлаганимга эриша олмадим," - деди Гвардиола.