"Manchester Siti" rahbari Xosep Gvardiola jamoaning inqirozida kimni aybdor deb hisoblayotganini aytdi.
Ispaniyalik o‘z-o‘zini tanqid qilib, "shaharliklar"ning joriy mavsumdagi qiyinchiliklari haqida gapirdi.
"Men o‘zim bilan juda samimiyman va tan olamanki, asosiy sabab o‘zimman. Gap o‘yinchilarda emas. Ular biroz pasayadi, lekin bu o‘tgan mavsumda ham kuzatilgan tabiiy jarayon. Men yechim topishim, boshqacha harakat qilishim kerak edi, lekin bunday qilmadim. Mana nima uchun biz bu ahvolga tushib qoldik - o‘zim aybdorman. Men bu gaplarni yaxshi bo‘lib ko‘rinish uchun aytayotganim yo‘q. Men faqat haqiqatni aytyapman. Men o‘yinchilarni boshqaraman va ular bilan xohlaganimga erisha olmadim," - dedi Gvardiola.
