"Манчестер Юнайтед" бош мураббийи Рубен Аморим Алехандро Гарначони "Манчестер Сити"га қарши ўйин учун қайдномадан четлатиб, жазолашга қарор қилди.
Аргентиналик футболчи 15 декабрь куни бўлиб ўтган ва 2:1 ҳисобидаги ғалаба билан якунланган дербида "қизил иблислар" таркибидан четда қолганди.
Журналист Крис Уилер хабар беришича, мураббийнинг бундай қарорга келишига Гарначонинг аввалги ўйинда "Виктория Пльзен"га қарши ўзини тутиши сабаб бўлган: футболчи 81-дақиқада захирадан майдонга тушишдан олдин португалияликнинг кўрсатмаларига қулоқ солмаган.
Алехандро Гарначо "Манчестер Сити"га қарши ўйиндан сўнг "Манчестер Юнайтед" сафига қайтди. Кейинги тўртта ўйинда у захирадан майдонга тушди.
