Миланнинг "Интер" клуби ярим ҳимоячи Давиде Фраттези билан хайрлашмоқчи эмас.

25 ёшли футболчи "нерадзуррилар"нинг асосий таркибига кира олмаяпти ва миш-мишларга кўра, жамоани тарк этиш ҳақида ўйлаяпти.

TEAMtalk хабарига кўра, "Ньюкасл" аллақачон Фраттезини сотиб олишга қизиқиш билдирган, "Манчестер Юнайтед", "Тоттенхэм" ва "Рома" ҳам вазиятни кузатиб боришмоқда. "Интер" ярим ҳимоячини қўйиб юбориш ниятида эмас, шунинг учун у учун катта сумма - 50 миллион евро сўрашмоқда. Қайд этилишича, Милан гранди раҳбарияти жорий таркибни ҳеч бўлмаганда келаётган ёзгача сақлаб қолишни режалаштирган.