"Челси" ҳимоячи Трево Чалобани "Кристал Пэлас"даги ижара муддатидан эрта қайтаришга ҳаққи йўқ.
Кеча "Челси" бош мураббийи Энцо Мареска ўзининг матбуот анжуманида ҳимоячи Уэсли Фофана тиззасидан олган жароҳати туфайли бу мавсумда бошқа майдонга туша олмаслигини айтди.
"Челси" бу вазиятга тезда жавоб қайтарди ва 19 ёшли Ансельминони "Бока Хуниорс"даги ижарасидан қайтариб олди. Аммо "кўклар" Чалоба билан буни қила олмайди.
Evening Standard нашри хабарига кўра, Чалобанинг ижара шартномаси 2024/25 йилги мавсум охиригача амал қилади ва январда бекор қилиш вариантини ўз ичига олмайди.
Чалоба Премьер-лигадаги сўнгги 13 ўйиннинг 12 тасида майдонга тушиб, 3 та гол урди, аммо 25 ёшли футболчи ижара шартлари туфайли шанба куни бўлиб ўтадиган "Челси"га қарши дербини ўтказиб юборади.
