"Нефтчи" янги мавсум олдидан таркибини кучайтиришда давом этади. Таркибга тажрибали дарвозабон Элдорбек Суюнов келиб қўшилди. Ўтган мавсум Наманганнинг "Навбаҳор" жамоасининг дарвозаси даҳлсизлигини қўриқлаган посбон фарғоналиклар аъзосига айланди. Футболчи билан икки йиллик шартнома имзоланди.

Маълумот учун Элдорбек Суюнов 1991 йил, 12 апрель куни Қашқадарё вилоятида туғилган. Футболчилик фаолияти давомида “Насаф” (Қарши, 2011 – 2017 йилнинг 1-давраси), “Пахтакор” (Тошкент, 2017 йилнинг 2-давраси - 2023 йиллар) жамоалари дарвозасини қўриқлаган.

Ўзбекистоннинг 5 карра чемпиони (2019, 2020-2023 йиллар), шунингдек, миллий чемпионатимизнинг кумуш (2011 йил) ва бронза (2013-2015, 2016-2017 йиллар) медаллари соҳиби.

Уч марта Ўзбекистон кубогини (2015, 2019 – 2020 йиллар)  ҳамда бир марта ОФК кубогини (2011 йил) қўлга киритган.

2013-2021 йилларда Ўзбекистон миллий терма жамоаси дарвозасини 28 та ўйинда қўриқлаган.

"Элдорбек Суюновга “Нефтчи” жамоасидаги фаолиятида омад ёр бўлиб, жамоамизнинг ғалабаларига ўз хиссасини қўшишини тилакдошимиз!" - дейилади фарғоналикларнинг расмий баёнотида.