"Вулверхэмптон" ўзининг асосий юлдузи билан шартномани узайтиради.

Журналист Фабрицио Романо хабарига кўра, "бўрилар" раҳбарияти ҳужумчи Матеус Кунья билан янги шартнома бўйича келишиб олган, бразилияликнинг маоши ошади. Қайд этилишича, ҳали ҳал қилиниши керак бўлган бюрократик ньюанслар бор, шундан сўнг ҳужумчи янги шартномани имзолайди.

Куньяга Европанинг бир қанча топ клублари қизиқиш билдиришаётганди. 25 ёшли Кунья жорий мавсумда "бўрилар" сафида барча турнирларда 20 та ўйинда майдонга тушиб, 10 та гол урди ва 4 та голга ассистентлик қилди. Бразилиялик футболчининг трансфер қиймати 50 миллион еврога баҳоланмоқда.