Душанба куни "Реал Мадрид" Испания кубогининг 1/16 финал босқичини ўтказади. Карло Анчелотти жамоасининг бу босқичдаги рақиби "Депортива Минера" бўлади. "Лос-бланкос" устози турнир ҳақида фикр билдирди.
"Биз Қирол кубогини ҳар доимгидек иштиёқ билан кутиб оламиз, чунки бу охирги йилларда бизга катта бахт олиб келган муҳим мусобақа. Биз рақибни ҳам, турнирни ҳам ҳурмат қиламиз. Биз олдинга ўтиш учун қўлимиздан келганини қилишга ҳаракат қиламиз", - деди Анчелотти матбуот анжуманида.
Эслатиб ўтамиз, ўтган мавсумда “Реал” Испания кубогидан 1/8 финал босқичидаёқ чиқиб кетган эди. Ўшанда Карло Анчелотти шогирдлари "Атлетико"га ютқазган.
