"Ювентус" марказий ҳужумчиси Душан Влахович Лондоннинг "Арсенал" клуби қизиқишлари доирасида.
Журналист Мирко ди Наталенинг сўзларига кўра, “Арсенал” сўнгги бир неча ҳафта ичида Влахович ҳақида кўп маълумот сўраб мурожаат қилган. Шу билан бирга, "канонирлар" қишда форвард учун расмий таклиф билдириш-билдирмаслиги ҳозирча номаълум, чунки инглиз гранди рўйхатида бошқа ҳужумчилар ҳам бор.
Аввалроқ “Ювентус” январь ойида 24 ёшли Влахович билан хайрлашиши мумкинлиги ҳақида хабар берилганди. Жорий мавсумда сербиялик барча турнирларни ҳисобга олган ҳолда 23 та ўйинда қатнашиб, 12 та гол урди ва 2 та голли узатмани амалга оширди.
