"Валенсия" - "Реал Мадрид" учрашувидан сўнг 3 нафар мухлис қўлга олинди.
Ла Лиганинг 12-туридан ўрин олган “Месталья”даги учрашув “Реал”нинг 2:1 ҳисобидаги ғалабаси билан якунланди.
Ўйиндан сўнг "Валенсия" ва "Реал Мадрид" мухлислари ўртасида тўқнашув келиб чиқди, натижада полиция ходимларига ҳужум қилган 20 ёшдан 35 ёшгача бўлган икки эркак ва бир аёл қўлга олинди. Ҳибсга олинганлардан биридан гиёҳванд моддалар мусодара қилинган.
Қайд этилишича, қўлга олинганлар полициячиларни муштлаб, тепган, мухлислардан бири полициячининг қўлини тишлаган. Ҳодисадан сўнг тўрт нафар полициячи тиббий ёрдамга муҳтож бўлиб қолди.
