"Valensiya" - "Real Madrid" uchrashuvidan so‘ng 3 nafar muxlis qo‘lga olindi.
La Liganing 12-turidan o‘rin olgan “Mestalya”dagi uchrashuv “Real”ning 2:1 hisobidagi g‘alabasi bilan yakunlandi.
O‘yindan so‘ng "Valensiya" va "Real Madrid" muxlislari o‘rtasida to‘qnashuv kelib chiqdi, natijada polisiya xodimlariga hujum qilgan 20 yoshdan 35 yoshgacha bo‘lgan ikki erkak va bir ayol qo‘lga olindi. Hibsga olinganlardan biridan giyohvand moddalar musodara qilingan.
Qayd etilishicha, qo‘lga olinganlar polisiyachilarni mushtlab, tepgan, muxlislardan biri polisiyachining qo‘lini tishlagan. Hodisadan so‘ng to‘rt nafar polisiyachi tibbiy yordamga muhtoj bo‘lib qoldi.
