Мадриднинг "Реал" клуби ҳужумчиси Килиан Мбаппе декабрь ойида жамоанинг энг яхши футболчиси деб топилгани ҳақида гапирди.
"Менга овоз берган мухлисларга раҳмат. Декабрь мен учун ва бутун жамоа учун муҳим ой бўлди. Биз соврин қўлга киритдик, Ла Лиганинг кўплаб ўйинлари ва Чемпионлар лигасининг муҳим ўйинида ғалаба қозондик", - деди Мбаппе Madrid Xtra билан суҳбатда.
Декабрь ойида 26 ёшли франциялик ҳужумчи барча мусобақаларда олтита учрашувда қатнашиб, бешта гол урди ва иккита голли узатмани амалга оширди. "Реал"нинг навбатдаги ўйини 6 январь куни "Депортиво Минера"га қарши бўлади. Испания кубогининг 1/16 финал босқичи ўйини Тошкент вақти билан соат 23:00да бошланади.
