"Ливерпуль" етакчиси Муҳаммад Салоҳ АПЛда голлар сони бўйича Тьерри Анри билан тенглашиб олди.
Якшанба куни "Манчестер Юнайтед"га қарши ўйиннинг (2:2) 70-дақиқасида киритилган пенальти мерсисайдликлар ҳужумчиси учун бутун фаолияти давомидаги АПЛдаги 175-гол бўлди. Мисрлик шу тариқа рейтингда "Арсенал"нинг афсонавий собиқ ҳужумчиси Тьерри Анрига етиб олди - улар умумий рейтингда еттинчи ўринни бўлишиб туришибди.
Улардан юқорида Фрэнк Лэмпард (177), Серхио Агуэро (184), Энди Коул (187), Уэйн Руни (208), Харри Кейн (213) ва Алан Ширер (260) бор.
Эслатиб ўтамиз, Салоҳ 282 та ўйинда 175 та, Анри эса 258 та ўйинда бунга эришган.
