"Женоа" бош мураббийи Патрик Виейра "Лечче"га қарши ўйиндан сўнг (0:0) 34 ёшли ҳужумчи Марио Балотеллининг ўйин вақти камлиги ҳақидаги саволга жавоб берди.
"Марио ўйинда иштирок этмаган бошқа ўйинчилар каби муҳим футболчи. Захирада бошқа футболчиларимиз бор. Биз бир жамоамиз ва барчамиз муҳиммиз. Мен бу қарорни бугун қабул қилдим, эртага у ўзгариши мумкин. Клуб ва жамоа энг муҳим нарса. Агар буни тушунсак, бугунгидек муҳим ишларни қиламиз", - деди Виейра.
Балотелли "Женоа"га октябрь ойи охирида эркин агент сифатида қўшилган эди.
