"Милан" ва "Интер"нинг собиқ ҳужумчиси Кристиан Вьери Италия Суперкубоги финал ўйинидаги Милан дербиси ҳақида ўз фикрларини билдирди.
"Қоғозда "Интер" фаворит деб айтишингиз мумкин, аммо тажриба шуни кўрсатадики, баъзи ўйинларни олдиндан башорат қилиб бўлмайди. Дерби обьектив аҳамиятдан ташқари мотивация ва куч-қувват беради.
"Милан" таркибида муҳим фазилатлар мавжуд. Энг муҳими, у тирик, бу эса Консейсау учун жуда муҳим. Сержиу - яқин дўст, ўзига хос ва қувноқ инсон. Унга тезлик, суръат, шиддат ва ишга садоқат керак. У ўйинчиларидан максимал даражада ҳаракат талаб қилади ва тўлиқ куч билан ўйнамайдиган футболчиларга имтиёз бермайди," дея Вьери сўзларини келтиради «Milan News».
