Мадриднинг “Реал” клуби Ўзбекистон терма жамоаси футболчисини сотиб олиши мумкин.
Foot Mercato хабарига кўра, Мадрид клуби "Ланс" ҳимоячиси Абдуқодир Ҳусановга қизиқиш билдирмоқда.
20 ёшли футболчининг трансферига "Манчестер Сити" ҳам қизиқмоқда. Таъкидланишича, ўтган ҳафтада Англия ва Франция клублари вакиллари, футболчининг отаси Ҳикмат Ҳошимов, унинг агенти Ғайрат Хасбиуллин ва келишувда воситачи бўлиши мумкин бўлган Жорже Мендеш иштирокида йиғилиш бўлиб ўтган.
Ҳусановни “Баер”, “Наполи”, “Ювентус”, Дортмунднинг “Боруссия”си ва “Ньюкасл” клублари ҳам кузатиб бормоқда. "Ланс" футболчини сотиш орқали 25 миллион евродан кўпроқ пул олмоқчи.
