Madridning “Real” klubi O‘zbekiston terma jamoasi futbolchisini sotib olishi mumkin.

Foot Mercato xabariga ko‘ra, Madrid klubi "Lans" himoyachisi Abduqodir Husanovga qiziqish bildirmoqda.

20 yoshli futbolchining transferiga "Manchester Siti" ham qiziqmoqda. Ta’kidlanishicha, o‘tgan haftada Angliya va Fransiya klublari vakillari, futbolchining otasi Hikmat Hoshimov, uning agenti G‘ayrat Xasbiullin va kelishuvda vositachi bo‘lishi mumkin bo‘lgan Jorje Mendesh ishtirokida yig‘ilish bo‘lib o‘tgan.

Husanovni “Bayer”, “Napoli”, “Yuventus”, Dortmundning “Borussiya”si va “Nyukasl” klublari ham kuzatib bormoqda. "Lans" futbolchini sotish orqali 25 million yevrodan ko‘proq pul olmoqchi.