Мадриднинг “Реал” клуби Виржил ван Дейк борасидаги таклифни рад этди.
Relevo нашри хабарига кўра, "Ливерпуль" ҳимоячисининг агентлари Мадрид клубига уни 2025 йилнинг ёзида ўз сафига қўшиб олишни таклиф қилишган. Шунда футболчининг Англиядаги амалдаги шартномаси тугайди ва у эркин агентга айланади.
Мадридликлар ҳимоясида жароҳатлар туфайли қийин вазият юзага келганини инобатга олган ҳолда сўров қилинган. Бироқ "Лос-Бланкос" раҳбарияти бу таклифни рад этди.
Таъкидланишича, рад этиш "Реал Мадрид"га керак бўлган нарсага кўпроқ мос келадиган бошқа профилдаги ўйинчилар фойдасига қизиқиш билан боғлиқ. Мадридликлар ҳам 33 ёшли футболчининг ёшига шубҳа қилишган.
Бундан ташқари, "Реал" жамоанинг ҳозирги марказий ҳимоячилари: Антонио Рюдигер, Эдер Милитао, Давид Алаба ва Раул Асенсиога ишонмоқда.
Ван Дейк жорий мавсумда АПЛда 19 та ўйинда майдонга тушиб, 1 та гол урди ва 1 та голли узатмани амалга оширди.
