Молдавиянинг “Дачия Буюкань” клуби Криштиану Роналдуга таклиф билан чиқди. Португалиялик футболчининг "Ан-Наср" билан амалдаги шартномаси 2024/2025 йилги мавсум охиригача амал қилади.
"Биз "Дачия Буюкань" клуби бир неча сабабларга кўра бизнинг клуб Роналду учун энг яхшиси бўлишига ишонамиз. У бошқа рангларга кўникиши шарт эмас, чунки биз кўк ва сариқ рангларда ўйнаймиз. Шунингдек, биз унга келажакда клуб маъмуриятида элчи ёки болалар жамоалари мураббийи (у "Манчестер Юнайтед" ёки "Реал Мадрид"га ўтишдан олдин фаолиятини қаердадир бошлаши керак) лавозимини ваъда қиламиз. Криштиану, биз сени кутамиз!" - дейилади клуб хабарида.
Криштиану Роналду февраль ойида 40 ёшга тўлади.
