Moldaviyaning “Dachiya Buyukan” klubi Krishtianu Ronalduga taklif bilan chiqdi. Portugaliyalik futbolchining "An-Nasr" bilan amaldagi shartnomasi 2024/2025 yilgi mavsum oxirigacha amal qiladi.

"Biz "Dachiya Buyukan" klubi bir necha sabablarga ko‘ra bizning klub Ronaldu uchun eng yaxshisi bo‘lishiga ishonamiz. U boshqa ranglarga ko‘nikishi shart emas, chunki biz ko‘k va sariq ranglarda o‘ynaymiz. Shuningdek, biz unga kelajakda klub ma’muriyatida elchi yoki bolalar jamoalari murabbiyi (u "Manchester Yunayted" yoki "Real Madrid"ga o‘tishdan oldin faoliyatini qayerdadir boshlashi kerak) lavozimini va’da qilamiz. Krishtianu, biz seni kutamiz!" - deyiladi klub xabarida.

Krishtianu Ronaldu fevral oyida 40 yoshga to‘ladi.