"Милан" вингери Ноа Окафор фаолиятини "Лейпциг"да давом эттириши мумкин. Журналист Маттео Моретто хабарига кўра, "Лейпциг" аллақачон "Милан" билан 24 ёшли футболчининг трансфери борасида музокараларга киришган.
Қайд этилишича, томонлар ўртасидаги мулоқот ижобий кайфиятда давом этмоқда. Жорий мавсумда швейцариялик футболчи барча турнирларни ҳисобга олган ҳолда 16та ўйинда қатнашиб, битта гол урди ва иккита голли узатмани амалга оширди.
Окафорнинг "Милан" билан шартномаси 2028 йилнинг ўрталарига қадар тузилган. Transfermarkt портали маълумотларига кўра, футболчининг нархи 15 миллион еврога тенг.
