"Манчестер Сити" ярим ҳимоячиси Бернарду Силва чемпионликка ишонмаяпти.
"Биз воқеликни қабул қилишимиз шарт. Ҳозирда "Ливерпуль"га эътибор қаратмаяпмиз, чунки турнир жадвалида олтинчи ўринда турибмиз. Айни пайтда ҳар бир ўйинда ғалаба қозониш учун кейинги учрашувга диққатимизни қаратишимиз зарур, мавсум охирида эса нимага даъвогар бўлишимиз мумкинлигини кўрамиз.
Чемпионлик ҳақида ўйлаш учун анча кеч бўлди. Одамлар доимо январда чемпионатни ютиб бўлмайди, аммо уни бой бериш мумкин, дейишади. Биз худди шундай қилдик", — деб Силва сўзларини келтирмоқда Sky Sports.
