Ханс-Дитер Флик Дани Ольмо ва Пау Виктор билан боғлиқ вазиятни изоҳлади.
“Ўйлайманки, бу футболчиларни рўйхатга олиш масаласи эртага ҳал бўлиб қолмайди, лекин биз кутамиз. Ҳозир қила оладиган ягона нарса - кутиш.
Юқорида айтганимдек, биз учун жуда муҳим ўйинчиларсиз ўйнаш осон эмас. Дани Ольмо ажойиб футболчи, албатта биз уни соғинамиз. Аммо биз ишлашда давом этишимиз керак.
Албатта, бу бизга таъсир қилади, аммо бу жамоага янада кўпроқ ишлаш имкониятини беради. Биз бир жамоа эканлигимизни кўрсатишимиз керак", - деди “Барселона” бош мураббийи.
