Винисиус Жуниор Ла Лиганинг иккита ўйинига дисквалификация қилинди.
Эслатиб ўтамиз, "Реал" вингери "Валенсия"га қарши ўйинда (2:1) қизил карточка олди - у дарвозабон Столе Димитриевскини орқасидан туртиб юборди.
Испания Қироллик футбол федерациясининг тартиб-интизом қўмитаси бразилиялик футболчини икки чемпионат ўйинига дисквалификация қилишга қарор қилди. У "Лас-Пальмас" ва "Вальядолид"га қарши ўйнай олмайди.
Қайд этиш керакки, жазо Испания Суперкубоги баҳсларига тааллуқли эмас. Винисиус 9 январь куни "Мальорка"га қарши ўйинда иштирок этиши мумкин бўлади.
