Ярим ҳимоячи Жамол Мусиала ва "Бавария" ҳали шартномани узайтириш борасида келишувга эриша олишмади.

Ёш юлдузнинг амалдаги шартномаси 2026 йилнинг ўрталарига қадар мўлжалланган. Мюнхен клуби Мусиала билан янги узоқ муддатли шартнома имзоламоқчи, бироқ музокаралар давомида муаммо юзага келди. Sport Bild хабарига кўра, 21 ёшли футболчи шартномада товон пули банди киритилишини талаб қилмоқда - "Бавария" бу шартни қабул қилишни истамаяпти. Айнан шу тафсилот туфайли мунозаралар чўзилиб кетди.

Маълумки, Жамол Мусиала таклиф қилинган шартномани имзоласа, "Бавария"нинг энг кўп маош олувчи футболчиларидан бирига айланади.