"Челси" ҳужумчи Кристофер Нкунку бўйича таклифларни кўриб чиқади.

Футболчи ўз ҳолатидан норози, шу боис у шу ой ёки ёзда клубини ўзгартириши мумкин. Журналист Метт Лоунинг сўзларига кўра, агар мақбул таклифлар келиб тушса, "Челси" франциялик футболчининг кетишига тўсқинлик қилмайди. "Кўклар" раҳбарияти жамоа таркибини ҳужумда етарли даражада тўлиқ деб ҳисобламоқда: Нкунку позициясини Жоау Феликс эгаллаши мумкин, Марк Гуи ҳам ҳужумда ўйнаши мумкин.

Transfermarkt Кристофер Нкункунинг нархини 50 миллион еврога баҳолаган. 27 ёшли футболчининг Лондон гранди билан шартномаси 2029 йилнинг ўрталарига қадар тузилган.