Неймар ЖЧ-2026да ўйнаш истагини билдирди.
"Мен жамоага, келаётган, ёш футболчиларга қаттиқ ишонаман. Бу ёш жамоа.
Бугун биз хоҳлаган ҳолатда эмасмиз. Ўйлайманки, биз биргаликда жуда катта нарсага эриша оламиз. Биз бир йил, бир ярим йил ишлашимиз, ҳаммасини тўғри бажаришимиз ва жаҳон чемпионатига чиқишимиз керак", — деди "Ал-Ҳилол" ҳужумчиси.
Неймар 2026 йилгача терма жамоага қайтиш имконияти борлигига ишонадими деган саволга ҳам жавоб берди.
"Ҳаракат қилиб кўраман. Мен у ерда бўлишни хоҳлайман. Жамоанинг бир қисми бўлиш учун бор кучимни ишга соламан. Бу менинг сўнгги жаҳон чемпионатим, сўнгги имкониятим бўлиши мумкинлигини биламан ва унда ўйнаш учун ҳамма нарсани қиламан", — деди 32 ёшли Неймар.
