Neymar JCH-2026da o‘ynash istagini bildirdi.
"Men jamoaga, kelayotgan, yosh futbolchilarga qattiq ishonaman. Bu yosh jamoa.
Bugun biz xohlagan holatda emasmiz. O‘ylaymanki, biz birgalikda juda katta narsaga erisha olamiz. Biz bir yil, bir yarim yil ishlashimiz, hammasini to‘g‘ri bajarishimiz va jahon chempionatiga chiqishimiz kerak", — dedi "Al-Hilol" hujumchisi.
Neymar 2026 yilgacha terma jamoaga qaytish imkoniyati borligiga ishonadimi degan savolga ham javob berdi.
"Harakat qilib ko‘raman. Men u yerda bo‘lishni xohlayman. Jamoaning bir qismi bo‘lish uchun bor kuchimni ishga solaman. Bu mening so‘nggi jahon chempionatim, so‘nggi imkoniyatim bo‘lishi mumkinligini bilaman va unda o‘ynash uchun hamma narsani qilaman", — dedi 32 yoshli Neymar.
