"Тоттенхэм" бош мураббийи Анж Постекоглу ҳужумчи Сон Хён Миннинг клуб билан шартномасини узайтириш ҳақида гапирди.

"Ажойиб. У бу клубда фаолиятини ажойиб ўтказмоқда. Сўнгги 10 йил ичида у катта роль ўйнади, у клубга таъсир қилди, у Премьер-лигага таъсир қилди. Унинг "Тоттенхэм"да қолиш муддатини узайтириш ажойиб ва бизнинг мақсадимиз - у ўзининг "Тоттенхэм"даги фаолиятини катта муваффақият билан якунлашдир", - деди Постекоглу "Тоттенхэм" расмий сайтига.

Қайд этилишича, томонлар ўртасидаги янги келишув муддати 2026 йилнинг ёзига қадар мўлжалланган. Сон 2015 йилнинг августидан бери "Тоттенхэм"да ўйнамоқда.