"Барселона" вице-президенти Елена Форт жамоанинг ярим ҳимоячиси Даниэл Ольмони жорий мавсумнинг иккинчи ярмига рўйхатдан ўтказишдаги муаммолар Каталония клубининг обрўсига салбий таъсир кўрсатмайди, деб ҳисоблайди.
"Бу клуб обрўсига салбий таъсир қилмайди. "Барса" - ажойиб ишларни амалга оширган катта клуб. Агар сиз бу вазиятни тилга олиб, профессионалликнинг етишмаслигини айтаётган бўлсангиз, "Барселона"да ишлайдиган мутахассисларга нисбатан ҳурматсизлик қилган бўласиз," - дея Форт сўзларини «Diario Sport» келтирмоқда.
