"Манчестер Сити" Умар Мармуш билан фаол музокаралар олиб бормоқда.

Журналист Флориан Плеттенбергнинг сўзларига кўра, ҳужумчи атрофидагилар билан музокаралар илғор босқичда, бироқ ҳали тўлиқ оғзаки келишувга эришилмаган.

Шу билан бирга, "шаҳарликлар" ва Франкфуртнинг "Айнтрахт" клуби ўртасида ҳеч қандай музокаралар бўлмаган. 25 ёшли футболчи 50-60 миллион еврога сотилиши кутилмоқда.

Мармушнинг ўзи ҳам ҳозирги клубини яхши кўради, аммо қишда янги трансферга тайёр, чунки у буни ноёб имконият деб билади. "Манчестер Сити" футболчига 2029 ёки 2030 йилгача мўлжалланган узоқ муддатли шартнома таклиф қилмоқда.

Жорий мавсумда мисрлик футболчи Бундеслигада 15 та ўйинда майдонга тушиб, 13 та гол урди ва 7 та голли узатмани амалга оширди. У чемпионат тўпурарлари орасида Харри Кейндан кейин 2-ўринни эгаллаб турибди.