"Ювентус" ҳимоячиси Данило клуб билан ҳамкорликни муддатидан олдин тугатиш борасида музокаралар олиб бормоқда.

Бразилиялик футболчи январда "Наполи"га ўтмоқчи, бироқ неаполликлар трансфер учун товон пули тўламоқчи эмас — улар "кекса синьора" сардорини эркин агент сифатида ўзига тортмоқчи. Бунинг учун футболчи "Ювентус" билан шартномани бекор қилиш борасида келишиб олиши керак бўлади, бу ҳозир содир бўлмоқда, дея хабар беради журналист Николо Скира. 33 ёшли марказий ҳимоячи ундан шартномасининг қолган олти ойлик маошини тўлашни талаб қилмоқда.

"Наполи" Данило учун 2026 йилнинг ёзига қадар шартнома тайёрлаб қўйган. Футболчи 2019 йилдан бери "Ювентус" шарафини ҳимоя этиб келмоқда.