Лондоннинг “Челси” клуби қишки трансфер ойнасида бир қанча футболчиларини қўйиб юбориши мумкин.
Гап шундаки, ярим ҳимоячилар Карни Чуквуэмека, Кирнан Дьюсбери-Холл ва Чезар Касадеи, шунингдек, чап қанот ҳимоячиси Бен Чилуэлл жамоани тарк этиши мумкин.
GivemeSport хабарига кўра, тўртта футболчи ҳам шу ойда "кўклар"ни тарк этиши кутилмоқда. Ўйинчиларнинг баъзилари ижарага кетади, бошқалари эса сотилади.
"Челси" 20-турдан кейин АПЛ турнир жадвалида "Ноттингем Форест" ва "Арсенал"дан 4 очко, пешқадам "Ливерпул"дан 10 очко ортда қолган ҳолда тўртинчи ўринни эгаллаб турибди.
11 январь куни Энцо Мареска шогирдлари Англия кубоги доирасида ўз уйида "Моркам"ни қабул қилади.
