Пол Мерсон "Эвертон"га Жозе Моуриньонинг тайинланишига шубҳа билдирди.
Аввалроқ ОАВда клубнинг янги хўжайини Ден Фридкин Шон Дайчга ўринбосар сифатида "Фенербахче"ни бошқараётган Моуриньони кўриб чиқаётгани ҳақида хабарлар тарқалганди.
"Мен Жозе Моуриньонинг ашаддий мухлисиман. У ажойиб, тарихдаги энг буюкларидан бири. Лекин мен уни бу ишда кўрмаяпман. "Эвертон" омон қолиш учун қийин кураш олиб бормоқда. Ва мен Шон Дайч қила олмайдиган нарсани у қила олишини тушунмаяпман. Мен ҳеч қандай фарқларни кўрмаяпман.
Шунинг учун бу миш-мишлардан жуда ҳайронман. Ҳа, у футболда жуда муҳим шахс. Лекин мен жуда эҳтиёт бўлардим", - деди “Арсенал”нинг собиқ футболчиси.
"Эвертон" АПЛ турнир жадвалида 20-турдан кейин 16-ўринда бормоқда.
