Поль Погба икки ойдан кейин фаолиятини давом эттира олади, чунки унинг допинг дисквалификация муддати тугаяпти. Сўнгги соатларда Бразилия ОАВлари Погба "Коринтианс" билан шартнома имзолаши мумкинлиги ҳақида гапирмоқда. «Os Donos da Bola» дастурида Поль Бразилия клубида ўзини синаб кўрмоқчи эканлиги ҳақида хабар берилган. Музокаралар давом этмоқда, аммо "Коринтианс"да ҳомий билан боғлиқ келишмовчилик бор.
Эслатиб ўтамиз, "Манчестер Юнайтед"нинг собиқ футболчиларидан бири Мемфис Депай айнан "Коринтианс" сафида тўп тепмоқда.
Поль Погба 31 ёшда. Ярим ҳимоячи яқинда "Ювентус" билан меҳнат шартномасини бекор қилганди.
