"Манчестер Юнайтед" ва "ПСЖ" Хвича Кварацхелияни қўлга киритиш учун курашади.
«L'Equipe» хабарига кўра, "Манчестер Юнайтед" грузиялик вингернинг трансфери борасида "Наполи" билан боғланган. Клублар Хвичани Маркус Рэшфордга алмаштириш имкониятини истисно қилишмаяпти.
Шу билан бирга, "Наполи" ва "ПСЖ" ўртасидаги алоқалар давом этмоқда ва воситачилар ҳозирда парижликларга Кварацхелия бўйича музокараларда олдинга силжиш имконини берадиган ечим топишга ҳаракат қилмоқда.
Қайд этилишича, неаполликлар раҳбарияти энди футболчининг эҳтимолий сотилишини истисно қилмаяпти.
Хвичанинг "Наполи" билан шартномаси 2027 йилнинг ёзида якунига етади. Жорий мавсумда футболчи А Серияда 17 та ўйинда майдонга тушиб, 5 та гол ва 3 та голга ассистентлик қилган.
