"Пахтакор"нинг собиқ спорт директори Жафар Ирисметов "Манчестер Сити"нинг Абдуқодир Ҳусановга қизиқиши ҳақида гапирди.
"Йигит тез ривожланмоқда ва "Ланс" ва терма жамоадаги ўйинлари билан Европанинг яхши клубида ўйнашга лойиқ эканини исботламоқда. Албатта, “Манчестер Сити” ўзини футболчи сифатида яна-да ривожлантира оладиган топ-клуб. У ерда дунёнинг энг яхши мураббийи ишлайди, дейиш мумкин. Агар “Реал” ва “Сити”дан бирини танлашга тўғри келса, унга иккинчиси билан боришни маслаҳат берган бўлардим", — дея Ирисметовнинг сўзларини келтиради Metaratings.
Ҳусанов 2023 йилдан буён “Ланс”да ўйнаб келмоқда. 20 ёшли футболчининг клуб билан шартномаси 2027 йилгача мўлжалланган.
