"Наполи" клуби ва Уругвай терма жамоси хужумчиси Эдинсон Каванига "Челси" жамоаси қизиқаётган ҳақидаги таҳминлар ўз исботини топди: лондонликлар футболчини сотиб олиш истагини билдириб италияликларга расмий таклиф жўнатишди.
Маълум бўлишича, "Наполи" футболчини қўйиб юборишга қарши эмас, фақат унинг учун шартномада келтирилган 63 миллион евро беришса бас.
Аввалроқ тарқалган хабарларда Каванига "ПСЖ", "Реал", "Ювентус", "Манчестер Сити" каби клублар қизиқиш билдиргани айтилганди.
Эслатиб ўтамиз, якунланган мавсумда уругвайлик хужумчи "А-серия"да 34 ўйин ўтказиб, 29та гол муаллифига айланди.
